4-ՐԴ ՀՄԲՀ. Սեկցիա. Քույրական գործ. Ալինա Քուշկյան

–   Ինչպե՞ս է ընթանում սեկցիան, ի՞նչ հիմնական թեմաներ են քննարկվում:

–   Քույրական գործն առողջապահության համակարգի շատ կարևոր մասն է կազմում, և ողջունելի է, որ արդեն որերորդ տարին է, մենք ունենք առանձին սեկցիա: Բուժքույրերը ներկայացնում են իրենց հետազոտական աշխատանքները, խնդիրները: Այսօր ունենք երեք զեկույց. Մեկ զեկույցը կներկայացվել է Հայաստանից, մյուս երկուսը Ամերիկայի Միացյալ Նահանգներից ժամանած հյուրերի կողմից: Կարծում եմ նմանատիպ աշխատանքները լավ օրինակ են, թե բուժքույրը ինչպես պետք է վերաբերվի սեփական գործին: 

–   Ի՞նչ խնդիրներ եք նկատում ոլորտում: 

–   Ցանկալի կլիներ, որ քույրական գործը որպես բակալավրիատ ընդունվեր, և բուժքույրերը հնարավորություն ունենային կրթությունը շարունակելու միանգամից մագիստրատուրայում: Ցավոք, մեր երկրում կրթական այդ բարեփոխումը դեռևս չի իրականացվել: Չնայած մեկ հաջողություն արդեն ունենք. քույրական գործի կազմակերպումը որպես մասնագիտություն մեր երկրում արդեն ընդունված է: Կարծում եմ նման հանդիպումների ժամանակ՝ ցույց տալով մեր քույրերի բարձր որակն ու պատրաստվածությունը, կհասնենք ավելիին:

–   Ի՞նչ ձեռքբերումներ եք տեսնում արտասահմանում, որ կուզեիք կիրառել այստեղ:

–   Չեմ ուզում թերագնահատել մեր երկրում տիրող վիճակն այս ոլորտում. մենք բավականին առաջընթաց ունենք: Ես կարող եմ դա վստահորեն ասել՝ որպես փորձագետ, որպես Ամերիկյան պատվավոր միության տնօրենների խորհրդի անդամ: Իմ կարծիքով՝ պետք է զարգացնել պրակտիկ գործունեության հատվածը, նաև անհրաժեշտ արձանագրություններ , քույրական գործի չափանիշներ մշակել: Նկատելի թերություններ կան բուժքույրերի վարվելակերպում. այս հարցին հարկ է մեծ ուշադրություն դարձնել: Պատահական չեն ասում, որ երբեմն բուժում ես խոսքով, նաև՝ ժպիտով ու հոգատարությամբ: Մեր բուժքույրերը հոգեբանական, էթիկական համապատասխան պատրաստվածություն պետք է ունենան:

Հարցեր, պատասխաններ, մեկնաբանություններ